Universiaden Trentino 15.12.2013:

19. plass til Jarle Midthjell Gjørven på sprinten

Jarle Midthjell Gjørven kom på 19. plass på sprinten i Trentino. Foto: Team Statkraft Nordfjord, 2012

Jarle Midthjell Gjørven gjekk endå eit godt løp under dagens sprint i Universiaden. Med to fulle hus på standplass heldt det til ein 19. plass, ein god prestasjon i ein konkurranse som har deltakarar i aldersgruppa frå 18 og heilt opptil 28 år. Jarle er såleis blant dei yngste deltakarane.

Dagens sprintkonkurranse vart svært jamn og differansen fram til vinnaren var berre på 1 min 1 sek. Dermed har Jarle eit fint utgongspunkt før jaktstarten.

Vinnar av dagens løp vart Milanko Petrovic frå Serbia. Vitaliy Kilchytshyy og Dmytro Pidruchnyi, begge frå Ukrania, tok dei to andre pallplassane. Dei andre norske deltakarane plasserte seg slik: Vegard Berli nr 5, Asbjørn Wold nr 11 og Martin Rui nr 23.

Universiaden held fram i morgon måndag med jaktstart.

Resultatliste Universiaden Trentino sprint menn 15.12.2013