Olden 28.4.2013:

Resultat frå Oldestafetten 2013

Heile 14 lag stilte opp i gutteklassa under årets Oldestafett. Foto frå Olden IL.

 Også i år var det bra deltaking i Oldestafetten med 31 lag på start. I tillegg deltok 7 lag i ministafetten. Markane IL hadde med tre lag denne gongen, to i gutteklassa og eit i open klasse.

Som vanleg var det klart mest deltakarar i gutteklassa der heile 14 lag stod på startstreken. Markane I sprang innn til ein sjetteplass med tida 6 min 21,5 sek. Markane II var nr 12 med tida 7 min 12sek. Hornindal IL tok klassesigeren etter å ha fullført stafetten på 6 min 2 sek. Det var svært jamnt i klassa. Mellom dei åtte første laga var differansen på under 30 sek. Hornindal IL tok også sigeren i jenteklassa.

I open klasse stilte også i år "Skiskyttarmødrene". Dei kom i mål til tredjeplass med tida 10 min 49 sek. Flåten/Muri vann klassa på 9 min 15 sek. Jølster IL tok sigeren i både herre- og veteranklassa medan GFIL vann årets dameklasse.

Foto med meir frå Oldestafetten 2013 kjem etterkvart.

Resultatliste Oldestafetten 28.4.2013