Pokljuka 20.12.2014:

8. plass til Johannes Thingnes Bø i jaktstarten

Johannes Thingnes Bø gjekk seg opp til ein åttandeplass på jaktstarten. Foto: Anders Vonheim (Geilo, 2011)

Johannes Thingnes Bø gjekk ut på ein tiandeplass på dagens jaktstart medan Tarjei Bø starta som nummer sju. Begge skaut på seg ein runde på dei liggjande skytingane, men hang fint med i teten fram til tredje skyting. Her vart det tre bom både på Tarjei og Johannes og dermed var dei ute av kampen om pallplassane. Johannes gjekk raskt i løypa og gjekk seg inn til ein åttandeplass. Han var 1 min 20 sek etter Emil Hegle Svendsen som vann med feilfri skyting. Tarjei heldt ikkje fullt så høg fart i sporet som Johannes, og enda til slutt på 17. plass. Han var 1 min 43 sek etter vinnaren i mål.