Ny topplassering i norgescupen i langrenn for Emilie Flo Stavik

Emilie Flo Stavik gjekk eit nytt toppløp i langrenn og gjekk inn til ein flott 4.plass på 5km langrenn i Noregscupen  for K 19-20 på Nannestad. Foto: Nordfjord Team Stryn Energi.

Emilie låg lenge heilt på toppen av lista i K19-20, men vart til slutt nummer fire, berre 3,6 sekund unna pallen. Ho var 26 sekund bak vinnaren av løpet Anna Heggen frå Svea Skilag.

Også Maren Hjelmeset Kirkeeide gjekk godt. Ho låg nokre sekund bak Emilie halvvegs i rennet.  I mål vart Maren nummer 11. Ho var om lag 20 sekund bak Emilie. 

Flott innsats i ei klasse der mange av løparane er eit år eldre enn Maren og Emilie.

Vi gratulerer med resultata!