Norgescup Dombås 27.03.2011:

Postet av Markane IL den 27. Mar 2011

Suveren samanlagtsiger til Johannes Thingnes Bø!

Vann også fellesstarten på NC-Dombås i dag.

Samanlagtvinnar av klassa menn 18 år; Johannes Thingnes Bø. Foto: Magnar Hjelle

Johannes Thingnes Bø vart i dag historisk etter å ha sikra seg den sjuande strake sigeren i skiskyting på juniornivå. I dag vann han også fellesstarten under Norgescupstemnet på Dombås og sikra seg ein suveren samanlagtsiger i klassa menn 18 år. Jarle Midthjell Gjørven kom på fjerdeplass i cupen samanlagt.

Johannes fekk ein bom på første skyting, men leverte elles feilfritt på standplass. Dette sikra han ein suveren siger på dagens fellesstart med over to minutts margin ned til nærast konkurrent, Bendik Aketun frå Fyrresdal SSL. Med sin sjuande siger på rad sletta Johannes Thingnes Bø også Ole Einar Bjørndalen sin gamle rekord med flest sigrar på rad i juniorklassen i skiskyting. Johannes vart dermed ein suveren samanlagtvinnar av klassa menn 18 år i årets Norgescup.

Også Jarle Midthjell Gjørven leverte eit flott løp på Dombås og gjekk inn til ein 5.plass med tre rundar totalt. Runar Netland vart nummer 32 medan Isak Fotland Fænn kom på 41. plass.

Gratulerer!