Junior-NM i Drangedal 06.03.2011:

Postet av Markane IL den 6. Mar 2011

Stafettsølv til Sogn og Fjordane

Johannes Thingnes Bø avgjorde på siste etappe!

Sogn og Fjordane sitt sølvlag. Bak f.v: Jarle Midthjell Gjørven og Johannes Thingnes Bø. Framme frå v: Ole Martin Erdal og Håvard Bogetveit. Foto: John Roger Meland.

Sogn og Fjordane sitt førstelag avgjorde mot Hordaland på siste etappe og sikra seg sølv under junior NM i skiskyting i Drangedal. Vinnar av klassa menn 17-19 år vart Oslo og Akershus førstelag.

I år som i fjor vann Oslo og Akreshus stafetten i klassa menn 17-19 år. I mål var dei 39 sekund føre laget frå Sogn og Fjordane. Kampen om sølv og bronse vart avgjord på siste etappe. Sogn og Fjordane med Johannes Thingnes Bø gjekk ut likt med Hordaland sin sistemann Erling Aalvik. Men Johannes avgjorde i Sogn og Fjordane sin favør og var i mål 8 sekund føre laget frå Hordaland.

På Sogn og Fjordane sitt lag gjekk: Jarle Midthjell Gjørven, Ole Martin Erdal, Håvard Bogetveit og Johannes Thingnes Bø.

Sogn og Fjordane sitt andrelag kom i mål på 18. plass. På dette laget gjekk Pål Andre Skrede, Hardbagg IL, saman med Isak Fotland Fænn, Runar Netland og Johan Eirik Meland, alle frå Markane IL.

Vi gratulerer med sølvmedaljen!