Junior NM i skiskyting i Drangedal, 05.03.2011

Nytt NM-gull til Johannes Thingnes Bø 

 og NM-sølv til Jarle Midthjell Gjørven.

To dagar etter gullet på normaldistansen vart det nok eit gull i junior-NM til Johannes Thingnes Bø. Under sprinten i Drangedal gjekk Johannes inn til siger i klasse menn 18 år føre lagkameraten Jarle Midthjell Gjørven. Ein fantastisk innsats av dei to Markane-løparane.

Johannes hadde som vanleg svært høg fart i sporet. På standplass vart det ein runde på liggjande skyting og tre rundar på ståande. Dette heldt til NM-gull 43 sekund føre Jarle Midthjell Gjørven. Jarle hadde ein bom på kvar av skytingane og sikra sølvmedaljen fem sekund føre Aasmund Steien frå Folldal. Runar Netland leverte også eit godt løp og gjekk inn til ein 14.plass medan Isak Fotland Fænn vart nummer 33 av dei 78 startande.

I klassen for menn 17 år gjekk Johan Eirik Meland inn til ein fin 11.plass. Johan Eirik vart heilt opp i leiinga etter feilfri liggjandeskyting, men med fem bom på den andre skyteserien vart det til slutt 11.plass eitt minutt bak vinnaren.

 Vi gratulerer med flotte prestasjonar!